Archive for March, 2008
Línvellir 23
Mar 27th
Jæja þá erum við búin að velja okkur lóð. Þetta byrjaði voða vel nokkrir sem að hættu við eða mættu ekki t.d. fólkið sem var með nr. 1 og nr 7. Mér fannst frekar skrýtið hve margir það voru sem að hættu við. Þegar kom að okkur að velja (vorum nr. 81) þá voru 11 búnir að hætta við, en þetta fór nokkurn vegin eins og okkur hafði grunað að þetta myndi fara. Héldum reyndar að lóðirnar vinstra megin (nær álverinu) myndu klárast fyrr en það voru þó nokkrar eftir þegar kom að okkur. En við ákváðum að vera á svæðinu sem við vorum hvað spenntust fyrir upphaflega. En við völdum lóðina Línvellir 23 (efri rauði ferningurinn). Lóðin er 645 fermetrar og erum við ofboðslega ánægð með hana 
Guðrún Þóra og Gísli völdu Lerkivelli 5 (neðri rauði ferningurinn) þannig það verður ekki langt á milli okkar.
Næsta skref er síðan að fara í að fá teiknara til að teikna handa okkur draumahúsið
“UPDATE” Svæðið með loftmynd ( Stór file !! )
Facebook páskar :)
Mar 24th
Þá er páskavikan að verða búin. Við erum búin að hafa það mjög gott. Mikið um góðan mat og auðvitað svo páskaeggin. Andrea sá um að leita að öllum páskaeggjunum og var hún ekki lengi að því. Líklega vegna þess að hún var búin að segja pabba sínum fyrirfram hvar átti að fela hvert egg. Skvísan fékk málshátt við hæfi eða “sá spyr sem ekki veit” og hún spyr, spyr og spyr svo aðeins meira. Stundum dettur manni nú bara rassálfarnir í Ronju ræningjadóttir í hug þegar Andrea byrjar. En það er bara gaman af þessu. Við Gísli fengum málsháttinn “Allir eru vinir meðan vel gengur”.
Anna og Gulli skírðu litla stubb um helgina. Emilía var búin að standa sig mjög vel í að þaga yfir nafninu. Hún stóð sig síðan mjög vel í skírninni var ljósberi og sagði nafnið. En stubbur er víst ekki stubbur lengur heldur heitir hann Benedikt Einar
Við enduruppgötvuðum síðan Facebook um páskana. Maður getur nú alveg gleymt sér þarna inni, við fundum út hinar ýmsu leiðir til að minnka spamið sem síðan sendir manni og hvernig hægt er að stjórna hvaða hópar fái upplýsingarnar um mann. Gísli er nú samt mest ánægður með það hvernig facebook kemur út í iphoninum.
skilaboð