Archive for March, 2009

Andrea fór til hjartalæknis á mánudaginn. Það heyrðust nefnilega svona aukaslög í 5 ára skoðuninni. Þetta varð smá ævintýri hjá okkur mæðgum þar sem við villtumst aðeins á leiðinni til læknisins. En hann var staddur á læknastöðinni við Hagamel. Ég gaf mér ekki tíma til að athuga á netinu nákvæmlega hvar þetta var, taldi mig vita það nokkurn vegin… en var með Tómasarhaga í huga… sem ég fattaði auðvitað þegar ég mætti á svæðið. Við vorum soldið seinar þar sem við lentum á öllum rauðu ljósunum og vorum komnar upp að háskólabíói kl 12:30, en það var einmitt tíminn sem Andrea átti að mæta á. VIð keyrðum þarna í hringi og fundum ekki Hagamel. Spurðum konu sem var í göngutúr hvar þessi blessaði melur væri og hún vísaði okkur. En hennar leið leiddi okkur að röngum mel, þar hittum við á póstburðarmann sem visaði okkur aðra leið.. en þá leið var ekki hægt að komast vegna einstefnugatna.. sem voru út um allt. En jæja eftir korters rúnt þá komumst við á leiðarenda. Andrea stóð sig eins og hetja, líkt og alltaf þegar hún fer til læknis. Læknirinn útskýrði líka allt mjög vel fyrir henni sem hann var að gera. En hann byrjaði á því að hlusta hana, tók hjartalínurit og mældi blóðþrýstinginn síðan gerði hann svona sónarskoðun á hjartanu. Andreu fannst mjög skrýtið en gaman að sjá hjartað sitt í sjónvarpinu og að heyra svona vel í því. En hún er s.s. með aukaslög en það eru svokölluð saklaus hjartaóhljóð og er ekkert til að hafa áhyggjur af.  Mun eldast af henni

Andrea er síðan að velta því fyrir sér hvort hún eigi að fara að æfa fótbolta. Hún er ekki alveg viss.. hana langar í FH-búning og verðlaunapening. Hún hefur verið mjög áhugasöm um að æfa fótbolta í einhverja daga síðan allt í einu vill hún það ekki og svo vill hún það. Núna vill hún prófa að fara á æfingu og sjá hvernig þetta er. Þannig ætli það verði ekki raunin að hún prófi að mæta á æfingu næstu helgi.

Af litlunni er það að frétta að hún er orðin mánaðargömul. Hefur breyst í útliti og er orðin aðeins líkari pabba sínum. Hún er búin að stækka, alveg helling að mínu mati, finnst hún vera orðinn svoddans bolti Hún er búin að prófa að fara í göngutúr í vagninum sinum og finnst voða þægilegt að láta keyra sér, kvartar þegar vagninn stoppar.  Nú er markmiðið að venja hana af því, verður að geta sofið í vagninum þó hann sé ekki á ferð

Aisté vinkona eignaðist litla stelpu 4. mars.. eða kannski ekki svo litla. Það var búist við 14-15 marka stelpu en hún var 18 merkur og 52 cm. Hún var tekin með keisara en þeim mæðgum heilsast vel og eru komnar heim Við auðvitað óskum Aisté og Þorra innilega til hamingju með erfingjann

Það voru síðan tvö stór afmæli í mánuðinum, en einkasonur Rósu vinkonu varð 10 ára í dag, pínu skrýtið að hugsa til þess að hann sé orðinn svona stór. Finnst ekki svo langt síðan hann fæddist. Bryndis náði síðan 30 ára markinu á mánudaginn og verður því fagnað næst komandi laugardag!! Við verðum víst öll fullorðin á árinu