Litla daman stækkar og stækkar. Hún fór í 6 vikna skoðun síðasta fimmtudag og var þá orðin 4.710 grömm og 55,5 cm. Ofboðslega stór stelpa :) svo stór að hún fór með mömmu sinni til Vestmannaeyja á föstudeginum. En það var s.s. vegna þess að Gunna langamma var svo mikið veik og ekki var búist við því að hún myndi ná sér upp úr veikindunum, en að öllum óvörum þá hjarnaði kella við og var í gær farin að skammast í hjúkkunum á sjúkrahúsinu og syngja, s.s. orðin sjálfri sér lík :) Við mæðgur komum svo heim í gær.  Það gekk rosalega vel að ferðast með hana. Hún var ljúf sem lamb í flugvélinni, líklega vegna stílsins sem hún fékk fyrir brottför en það var gert skv. læknisráði síðan hélt ég fyrir eyrun hennar á meðan á fluginu stóð.