Hann Gísli varð þrítugur á mánudaginn, eins og flestir vita. fjölskyldan hélt upp á það með því að fara út að borða á Rauðará á laugardagskvöldið. Það var ofboðslega gaman og góður maturinn. Andrea var rosalega fín dama og mjög svo stillt og prúð á veitingastaðnum. Hún fékk að prófa að horfa smá á Mjallhvíti í símanum hans Gísla, en það gekk ekki upp því hún sagðist ekki heyra nógu vel. En henni var sagt að það mætti ekki hafa hærra til að trufla ekki aðra gesti veitingarstaðarins. Aðeins seinna um kvöldið þá var litlan eitthvað að kvarta yfir því að vera í bílstólnum þannig að ég setti spiladósina hennar í gang.  Heyrist þá í Andreu: ,, Mamma, viltu lækka í spiladósinni” En þetta var frábært kvöld. Litlan var alveg jafn stillt og stóra systirin.  Þær systur gáfu pabba sínum Liverpool bindi og svo fékk hann íslenska veiðihnífinn frá okkur líka. Á sjálfan afmælisdaginn gerðum við heimatilbúið Sushi og það er alltaf jafngott :)

Gísli fór síðan til Liverpool á þriðjudaginn til að fara á leikinn sem var í gærkveldi. Við mæðgur höfum því verið einar heima og verið á fullu að undirbúa skírnina og hefur það gengið bara vel. Dagurinn í dag fer í súpuundirbúning, bakstur og blómaskreytingagerð :)

Litlan er orðin 2ja mánaða og hún er orðin 4.990 gr. Hún er  held ég að taka smá vaxtarkipp núna, því hún hefur viljað drekka á tveggja tíma fresti síðustu 2 daga.