gudrun

Það var bara fínt út í Danmörku. Ráðstefnan var mjög skemmtileg og fróðleg.. þrátt fyrir að nokkrir fyrirlesararnir hafi verið ansi svæfandi. En það var ótrúlega gaman að fræðast meira um Grant Thornton bæði á norðurlöndunum og í öllum heiminum. Leiðinlegt að segja en ég hafði ekki hugmynd um að Grant Thornton væri eiginlega staðsett alls staðar í heiminum. Annars var skemmtilegasti fyrirlesturinn frá Sörensen, meðeiganda og framkvæmdastjóra AP Möller & Maersk. Hann var nú mun yngri en ég bjóst við og var hann einstaklega skemmtilegur fyrirlesari. Alveg magnað að hlusta á hann. Þetta var nú samt ekki allt fyrirlestrar það var einnig haldið í skemmtunina og var dagskráin ansi stíf.

Á Föstudagskvöldinu fórum við í canal siglingu og að borða á Trekroner, sem er eyja sem danir bjuggu til, til að verja Köben í einhverju stríði.. man ekki í hvaða stríði. Hún var síðan selt á 3 dkr þegar ríkið þurfti ekki lengur á henni að halda, þess vegna nafnið. Það var mjög gaman okkur var raðað niður á borð og þurfti maður því að blanda geði við fólkið.

Ég lendi á borði þar sem aðallega sátu finnar, svíar og norðmenn. Einn finninn sem sat þarna vissi sko alveg hvernig FH væri að standa sig í íslensku deildinni Svo fékk ég furðulegustu spurningar frá einni konu frá Svíþjóð. Hún vissi ekkert um ísland og hélt greinilega að við værum einhverjir mölbúar. Spurði hvort við ferðuðumst út um allt á hestum og hvort við notðum hesta til að hita upp húsin okkar. Síðan spurði hún hvernig við ynnum fyrir okkur og hvað við gerðum í frítíma okkar, sagði henni það. viðbrögðin hennar við því voru “ah like normal people.” Þvílík uppgötvun að íslendingar eru eins og eðlilegt fólk hehe. Var frekar hissa á þessum spurningum frá háskólamenntaðri konu frá Svíþjóð.

Á laugardagskvöldið þá fórum við að borða á Gröften í tívolíinu og það var mjög svo gaman. Flestir voru mjög þreyttir eftir föstudagsdjammið en létu það ekki á sig fá og sátum við á Gröften þar til tívolíið lokaði. Skemmtum okkur mjög vel.

En af okkur fjölskyldunni..

Andrea fór til augnlæknis í gær og kom í ljós að gleraugun urðu ekki til þess að hún slyppi við latt auga og er því skvísan komin með lepp á hægra augað.

Hún þarf að vera með hann í 6 klst á dag í heilan mánuð og fer þá aftur til augnlæknisins. Hún var ekkert of kát með þetta og ætlaði ekki að þora að fara inn á deildina sína í leikskólanum í morgun. En ég er að vona að þetta hafi bara verið erfitt fyrir hana fyrst og verði svo í lagi.

Hún er líka farin að spá aðeins meira í hendinni sinni, spyrja spurninga um hana og þannig. Við vissum að það myndi koma að því og verðum að reyna að svara henni eftir bestu getu og útskýra þetta vel fyrir henni. Hún er að upplifa spurningar leikskólabarnanna sem stríðni, en þau vilja sjá “biluðu” hendina hennar og eru að spyrja afhverju hún er svona.

Hún er byrjuð aftur í iðjuþjálfun og er hún alveg ánægð með það skvísan, sem betur fer.