Við heilsuðum upp á nágrannann í gær og fengum að skoða húsið þeirra. Það var mjög gott að fá að sjá þetta svona fullgert og við fengum góða hugmynd fyrir eitt af gluggalausu rímunum.  Sáum líka að það er möguleiki á að taka færa burðarbitann til hliðar þannig að það verði ekki súla í miðju eldhúsi.

Við erum s.s. búin að kaupa okkur 300 fm. fokheld parhús í Hafnarfirðinum og erum að hefjast handa við að byrja. Það er að mörgu að huga, Gísli er búin að vera á fullu þessa vikuna að nálgast allar upplýsingar og tala við meistara, láta grafa skurði, sækja um kalt vatn og heitt vatn. Allan pakkann… ég hef lítið getað hjálpað honum í þessu þar sem ég er búin að vera lasin þessa vikuna.  Þetta er allt að hefjast.

Hann var alltaf að spá í hlutunum og einu sinni vorum við að fara upp í Goðahraun að versla eitthvað fyrir mömmu, man ekki hvað hann var gamall og hann var búinn að vera mjög hugsi stóran part af leiðinni, þegar hann allt í einu sagði “Gunna, hvað þýðir Vá?” ég reyndi að svara honum eins vel og ég gat. Hann hafði ótrúlega gaman af bókum og tónlist mjög snemma. Man að hann var alltaf með eggjaskerarann hennar mömmu og notaði hann sem gítar.

Sumarið áður en ég flutti í hafnarfjörð þá var ég í sveit á skeiðunum og Jón Sævar kom í heimsókn þangað til mín, var hjá mér í viku.  En hann var 5 ára þegar  ég flutti í fjörðinn  og eftir það sáumst við ekki það mikið. Ég hafði ekki  mikinn pening á milli handanna og gat ekki ferðast mikið til eyja á meðan ég var í skólanum. En kom náttla heim um jólin og á sumrin. Þær minningar sem eru hvað minnistæðastar eftir að ég flutti eru þær  t.d. þegar ég kom til eyja, man reyndar ekki hvort það var yfir allt sumarið eða hvort það var bara yfir helgi. En ég var á lödunni minni og við Jón Sævar fórum í smá bíltúr, ætli hann hafi ekki verið 6-7ára. Við stoppuðum inn í dal hjá gamla golfskálanum og ég sagði honum draugasöguna sem okkur hafði alltaf verið sagt í skátunum. Hann spurði síðan hvort hann mætti prufa að keyra bílinn.  Hefði alls ekki átt að segja já, en ég gerði það. Hann settist í bílstjórasætið, og hann keyrði örstuttan spöl. Hann steig bensínið í botn um leið og hann sleppti kúplingunni þannig bílinn skaust einhvern vegin af stað. Síðan var það í eitt skiptið að hann og Þorgils Árni voru búnir að búa til kassabíl, ég settist í kassabílinn og hann dró mig út um allan búhamarinn. Hann var mjög svo skemmtilegur krakki, alltaf stutt í hláturinn og hann var ótrúlega góður drengur. Eitt sinn var hann í sundferðalagi hérna upp á landi og mamma hringdi í mig, þar sem að hann var búinn með allan vasapeninginn sinn og þau áttu eftir að fara í bíó krakkarnir. Hún bað mig að hitta á hann og láta hann hafa smá pening. Ég hitti á hann og hina krakkana í kringlunni og þá hafði hann eytt síðustu peningunum sínum í að kaupa eyrnalokka og hálsmen handa systur sinni Við áttum líka góða stund þegar við keyrðum saman til Akureyrar, þegar ég var að fara að útskrifast úr háskólanum.

Við áttum margar góðar stundir saman, hefði alveg viljað að þær hefðu verið fleiri. En svona er þetta 18 ára gamall unglingur vill víst lítið hanga með 5 ára gömlum bróður sínum og 17 ára unglingur vill víst lítið hanga mikið með þrítugri systur sinni sem á það til að tuða og siða hann til eins og þriðja foreldrið.

Minningar síða

Anton bróðir too the rescue  !

Hann er auðvitað svo vinstri – græn að hann er að gera þetta allt í gegnum www.greengeeks.com með “reseller account”. Þar heldur hann utan um alla félaga og ættingja

Þetta er auðvitað mesta snilld ever því að eftir að dollarinn fór í ruslið með genginu þá er auðvitað ekkert annað en versla bara við brósa !

Takk brósi !

María Þrá er ekki mikið að spyrja þessa dagana, en hún er komin með klifuræði og prílar upp á barnastólana, tripp trapp stólana og reyndar bara allt sem hún mögulega getur stigið upp á, það stígur hún upp á. Henni finnst einnig mjög gaman að ýta á takkana á uppþvottavélinni og að “raða” í uppþvottavélina. Fikta í tökkunum á ofninum og talvan er náttla bara æðisgengin!!! Hún er öll að hressast eftir RS vírusinn, en hún var ansi slöpp af honum. Á morgun er svo stór dagur hjá henni, þar sem hún er að fara að byrja í aðlögun hjá Ollu dagmömmu.

Brúðkaupsundirbúningurinn gengur hægt en gengur þó. Mörg horn sem þarf að líta í. Það er bara svo mikið um að vera hjá okkur, bæði vinna, skóli og húsnæðisleit. Það er auðvitað allt á hold á fasteignamarkaðnum enda ekki við öðru að búast þegar ástandið er svona.

Gísli er að taka þátt í mottumars og hvet ég alla til að fara inn á karlmenn og krabbamein og heita á hann. Hann verður örugglega bara flottur með mottuna