Við höfðum það mjög gott yfir jólin og slöppuðum vel af. Andrea var mjög svo róleg yfir jólunum, var reyndar alveg tilbúin kl 7:30 um morguninn að fara í fínu fötin og fara til ömmu og afa, við foreldrarnir vorum ekki alveg til í það. En biðin gekk vel og Andrea sat allan dagin og perlaði á meðan hún hlustaði á barnaefnið.

Það var ofboðslega gaman að sjá það í fréttunum að frændi minn og fjölskylda hans fengu óvæntan jólaglaðning. Við viljum óska þeim til hamingju með það og óskum þeim eins og öllum öðrum gleðilegs nýs árs

Andreu leið vel en var frekar dösuð. Hún borðaði tvær brauðsneiðar og einn banana seinni partinn og drakk hálfan eplasvala. Þegar hún var síðan búin að pissa þá vorum við flutt á Barnaspítala hringsins. Þannig að skvísan fékk að fara í sjúkrabíl, hún var soldið hissa í bílnum og skoðaði allt vel í kringum sig. Þegar við vorum síðan komin upp á stofu þá sagði hún að henni hefði fundist ferðin með sjúkrabílnum ansi spennandi. Andrea var hress, borðaði smá kvöldmat og drakk. Hún kvartaði ekki undan neinum verkjum og leið bara ágætlega. Hún svaf vel um nóttina, þegar hún svaf. Við deildum stofu með annarri lítilli stelpu sem leið ekki vel, greyið var með verki og grét því frekar mikið um miðja nótt. Við mæðgur vöknuðum því og vorum vakandi í einhverja tvö tíma, frá hálf tvö til hálf fjögur, vorum síðan vaktar aftur rétt fyrir kl 7. En þá var litla stelpan aftur komin með verki.

Við kítkum aðeins fram og skoðuðum dótið, svona aðeins til að gefa hinni fjölskyldunni næði. Andrea var mjög hrifin af öllum bókunum og dótinu sem þarna var. Hún borðaði morgunmatinn sinn þarna frammi og borðaði vel af honum.

Upp úr tólf kom Guðmundur Gunnlaugsson, að kíkja á okkur. Aðgerðin gekk mjög vel, þeir gátu þó ekki farið þá leið sem þeir ætluðu sér í upphafi, að taka sin úr úlnliðnum, þar sem að Andrea var ekki með þá sin. En það er mjög algengt, sumir eru með hana aðrir ekki. Fingurnir vísifingri til litla fingurs eru með tvær beygjusinar, þannig að þeir tóku sin frá löngutöng og litla fingri. Færðu þær yfir, önnur lyftir sem sagt upp úlnliðnum og hin fór í þumalinn. Hann sagði að allt hefði gengið vel. Andrea verður í gifsi í 4 vikur og á að koma í endurkomu eftir 2 vikur. Síðan eftir þessar fjórar vikur þá verður skoðað með iðjuþjálfunina, hann sagði að það lægi ekkert á því.

Endilega reynið að geta nafnið sem hún er að segja í “skilaboðum”

Gísli spurði hana þá hvað gerir mamman. Andrea svaraði ,, Mamma stjórnar öllu.”  Ég var ofboðslega ánægð með þessa niðurstöðu hennar svo hélt hún áfram ,, Mamma klæðir sig í fötin, eldar matinn, setur í vaskinn.. ” svo kom smá hik þá sagði Gísli ,, og þurkar af?” hún samþykkti það.  Ég spurði hana þá hvað pabbinn gerir.. hún hugsaði sig um í smá stund og sagði ,, Hann klæðir sig í fötin” ég spurði hana þá hvað hann gerði fleira og eftir ögn meiri umhugsunar tíma þá kom svarið ,, Ég veit það ekki”.

Andrea var síðan að brasa við að elda matinn í litla eldhúsinu sínu, það átti að vera fiskur og egg í matinn, en hún gafst upp á endanum kom til mín og sagði ,, Mamma, vilt þú vera mamman, því það er svo erfitt?”

Viltu ekki heita Andrea Ruth?

,, Nei ég vil heita Svandís, eins og Halldór og Ósk Svandís”

En mamma og pabbi viltu að þú hétir Andrea Ruth.

,, En ég er búin að nota það svo lengi, ég vil heita eitthvað annað.”

Mamma er búin að heita Guðrún síðan hún var lítil.

,, En ég vil heita annað þegar ég verð stór systir”

Við skulum ræða það þegar þú verður stór systir.

,, já”

Þá er afmælisdagurinn runninn upp. Skvísan orðin þriggja ára í dag Það var haldið upp á afmælið í gær með prompi og prakt. En í gær þá átti Jón Sævar afmæli, hann er orðin 15 ára. Til hamingju með afmælið litli bróðir

Það var ofboðslega gaman að hitta alla familíuna og svo auðvitað alla vinina seinni partinn. En við vorum með þetta í tveimur hollum. Það munaði litlu að það þyrfti að fresta veislunni þar sem Andrea fékk ælupest á aðfaranótt föstudagsins, en sem betur fer var þetta bara svona næturpest. Ég var aftur á móti lasin fimmtudag og föstudag. Þannig að laugardagurinn fór í að baka og taka til. Allt gert á einu bretti. Gísli stóð sig snildarlega velí kökuskreytingum og er alveg augljóst að það verður hans verkefni hér eftir Hann tók sig líka til og útbjó handa okkur sushi á laugardagskvöldið, það var ofboðslega gott.

Andrea fékk fullt af fallegum gjöfum, hún fékk rúm og allt tilheyrandi með því frá ömmu sinni og afa í Efstuhlíð. Hún svaf í því í nótt og það gekk vel. Það var hins vega erfiðara að sofna án snuðsins Hún fékk einnig tvenn náttföt og þrenn nærföt, sokkabuxur, þrennar bækur, spil, öskubusku barbídúkku, tvenna kjóla og við gáfum henni svo trönur. Hún getur því krítað, teiknað og málað eins og sannur listamaður