Við höfðum það mjög gott yfir jólin og slöppuðum vel af. Andrea var mjög svo róleg yfir jólunum, var reyndar alveg tilbúin kl 7:30 um morguninn að fara í fínu fötin og fara til ömmu og afa, við foreldrarnir vorum ekki alveg til í það. En biðin gekk vel og Andrea sat allan dagin og perlaði á meðan hún hlustaði á barnaefnið.

Það var ofboðslega gaman að sjá það í fréttunum að frændi minn og fjölskylda hans fengu óvæntan jólaglaðning. Við viljum óska þeim til hamingju með það og óskum þeim eins og öllum öðrum gleðilegs nýs árs

Í dag er planið að byrja daginn á að kíkja í Down Town Disney.

21:45 – Hérna koma myndir dagsins.

jæja best að gefa sér tíma í að segja frá ferðinni. Það var nú bara ágætlega gaman Við lendum í Girona sem er einhverja 45 km fyrir utan Barcelona og fórum þar upp í rútur sem keyrðu okkur á hótelið, en við gistum á Hótel Hilton. Rútuferðin var eins og flestar rútuferðir, maður spjallaði og skoðaði það sem birtist manni á leiðinni. Ótrúlegt hvernig þeir byggja þarna. Mjög mikið upp í hlíðum og sumt leit út fyrir að vera mjög illa byggt og ekkert skipulag virtist vera á staðsetningu húsanna. Við vorum komin á hótelið seinni partinn og kíktum aðeins á verslunarmiðstöðina sem var beint fyrir utan hótelið. Við vorum nú samt ekki í neinu verslunarstuði og röltum bara þarna um. Hefðum líklega átt að nýta tímann, en þetta var fínt hefðum þá bara eytt meiri pening. Um kvöldið fórum við að borða á Argentísku veitingahúsi sem að Hótelið mælti með staðurinn heitir Patagonia. Steikin var ótrúlega góð!!! Við fengum okkur flest lomo sem er nautafillet. Ég hef aldrei fengið eins góða nautasteik, það var bara borið fram með steikninni bökuð kartafla og svo var smá gróft salt sett ofan á kjötið. Það var hrein unun að borða þarna. Ef þið farið til Barcelona þá verðið þið að prófa þennan stað. Hérna er google kort af staðnum. Eftir máltíðina þá röltuðum við niður rúmbluna og drukkum í okkur mannlífið ásamt veigum. Við vorum nú samt ekki lengi og vorum komin upp á hótel um tvöleytið.

Við notuðum laugardaginn til að skoða borgina, en um 10 var skipulögð 2ja tíma rútuferð um borgina. Það var mjög gaman í henni maður fékk svona að sjá sýnishorn af því sem er hægt að skoða þarna. Það gerði greinilega mikið fyrir borgina að halda ólympíuleikana 92, hún var greinilega tekin í gegn og þau mannvirki sem voru byggð fyrir leikana hafa nýst borginni vel síðan. En fyrsta stoppið okkar í ferðinni var La Sagrada Familía, kirkja sem Gaudi byrjaði á 1882 og er henni enn ólokið. Við stoppuðum þar bara rétt aðeins til að taka myndir og svo var ferðinni haldið áfram. Við fengum að sjá tvö önnur hús sem Gaudi byggði, Casa Mila og Casa Batló og þau voru mjög flott. Við stoppuðum líka upp á fjalli þar sem borgarbúar fara um helgar til að njóta náttúrunnar. Ferðinni lauk svo á rúmblunni. Við fórum þá með Óla og Lilju beint í La Sagrada Familía og biðum þar í eina klst og 40 mín. eftir því að komast upp í turnana. En það var farið upp í lyftu og svo var gengið niður. Þetta var alveg magnað. Kirkjan er hreint út sagt ótrúlegt listaverk!! Við tókum flestar myndirnar í allri ferðinni þar. Þegar við komum niður var komin rigning þannig við hlupum inn á Pizza Hut og fengum okkur pítsu. Eftir það þá var hætt að rigna og við Gísli fórum á rúmbluna til að versla. Mig vantaði skó fyrir galadinnerinn, við fundum fína skóbúð og skóuðum fjölskylduna upp. Kíktum í nokkrar búðir og ég fann mér gallabuxur og bol en ekkert mikið annað. Gísli var að leita sér að buxum og jakka en fann ekki neitt. Við fórum síðan í verslunarmiðstöðina fyrir utan hótelið og versluðum þar á mettíma kjól og peysu á Andreu. Drifum okkur svo upp á hótelherbergi að sjæna okkur til fyrir matinn, vorum orðin ansi sein. Galadinnerinn var ok, maturinn var lala, forrétturinn og eftirrétturinn var það eina sem var gott. Það voru alveg ágæt skemmtiatriði það komu 2 senjorítur að dansa, en það var ekkert pláss þarna fyrir aðra að dansa og við fórum fljótlega upp á herbergi til Óla og Lilju ásamt Kalla, Öldu og Bo hollywood. Þar sátum við og spjölluðum og skáluðum í veigum aðeins frameftir. Síðan var farið að checka sig út af hótelinu til að losna við 560 manna biðröð um morguninn og svo var skriðið í háttinn. Sunnudagurinn fór allur í ferðalagið til baka. Við bættum upp verslunarleysið í fríhöfninni og versluðum smá dót fyrir Andreu og minjagripi.

Það hefði verið gaman að geta verið lengur og þá hefði maður farið í Gaudi garðinn og skoðað söfnin. Það er ótrúlega mikið þarna til að skoða, maður verður greinilega að fara aftur

Á laugardeginum byrjaði Andrea í dansi hjá Auði Haralds. Við Gísli fórum bæði með henni í tímann. Hún lærði hliðarspor og súperman dans. Hún alveg steingleymdi okkur og það var svo gaman að fylgjast með henni að eiga samskipti við hina krakkana.  Sjá hvernig hún er þegar við erum ekki nálægt. Foreldrar voru svo beðnir um að vera ekki með í tímunum, þetta verður hennar að gera en okkur verður boðið að fylgjast með aftur seinna.  Eftir dansinn fór ég að vinna. Andrea og Gísli höfðu það bara kósý á meðan.

Um kvöldið fór Andrea í pössun til ömmu og afa. En  við Gísli fórum til Önnu og Gulla að elda fondú. Það var ofboðslega gaman og var maturinn mjög góður, hann kom Gísla mjög á óvart. Eftir matinn kíktu vinahópurinn á okkur og fóru strákarnir í bæinn á meðan við stelpurnar vorum heima hjá Önnu að skemmta okkur. Sing star var auðvitað notað mjög mikið. Einstaklega skemmtilegur partýleikur. Myndavélin hennar Önnu náði all mörgum mómentum og pósum. Við stelpurnar kíktum svo á Aroma og vorum þar að dansa þar til staðnum var lokað, hittum þá strákana og héltum heim á leið.

Á sunnudeginum byrjaði dagurinn á því að fara með Andreu og Heklu í fimleika. Það var mjög gott að hafa Heklu með, þar sem hún vissi nákvæmlega hvar allt var. Hún sýndi okkur búningsklefann og var með Andreu í leikjunum og þrautabrautinni. Eftir fimleikana  var bara slappað af heima og mest megnis var bara sofið

kv. Guðrún

Við byrjuðum gleðina á að fara á grímuball í Höllinni. Andrea var Solla stirða og fannst soldið skrýtið fyrst að vera með hár. Hún var alltaf að fikta í hárkollunni og hrista hausinn Það var ágætlega gaman á ballinu, meira gaman fyrir krakkana heldur en fullorðna fólkið. Það var mjög mikið lagt í suma búningana og hugmyndaflugið var mikið. Það var síðan veitt verðlaun fyrir bestu búningana og sá sem var í fyrsta sæti var loftbelgur. Það var örugglega ekki mjög gaman hjá greyið stráknum, hann var svo vel klæddur, í dúnúlpu og með svaka húfu og í búning sem leyfði ekki mikla hreyfingu. Hann þurfti að standa á sama stað allan tíma með 2 hjálparaðila sem þurftu að styðja við belginn. Jólasveinarnir komu síðan í heimsókn og þeir gáfu börnunum nammi einnig fengu allir medalíu.

Um 6 leytið hófust svo herlegheitin. Við dúðuðum okkur vel og lögðum af stað. Þetta byrjaði með flugeldasýningu sem var ótrúlega flott!! Að henni lokinni þá kom bíllinn með tröllunum, grýlu og leppalúða akandi. Andrea heilsaði upp á grýlu og leppalúða. Var pínu smeyk þegar leppalúði tók í hendina á henni og grýla klappaði henni á höfuðið Jólasveinarnir komu gangandi niður fjallið í þeirri röð sem þeir koma til byggða. Andrea heilsaði aðeins upp á hann kertasníki. Andreu fannst þetta greinilega alveg nægilegt og kom sér þægilega fyrir í kerrunni og sofnaði á meðan við gengum með allri hersingunni upp að malarvelli. Við snerum þá bara við og fórum heim, enda hún sofandi og komin frekar mikil rigning og rok.

Þetta var mjög gaman, næst nær Andrea vonandi að vaka lengur Gísli setur örugglega inn myndir í dag.

já og fyrst við erum að tala um PS2 ef þið eigið svoleiðis og langar að losna við .. sendið mér þá línu

Ég vona að þeir sem eru farnir að mæta hérna reglulega hafi gaman af því sem ég og guðrún erum að pósta

En í dag ætla ég að kynna ykkur fyrir nokkrum “Wallpapers” eða skjáborðsmyndum sem mér finnst flottar og hvar er hægt að fá fleiri slíkar á netinu.

Na i allar

Linkarnir

• Macdesktops
• Xmedia
• pixelhuset
• vladstudio
• Mandolux
• Florian
• socksoff
• Pixelgirls
• wallpaperstock
• Studio28
• soulcore
• shiftedreality
• xshock
• bitaites
• interfacelift
• misc
• louiemantia

Endilega kynnið ykkur þetta og skiljið eftir skilaboð ef þið vitið um fleiri góðar skjáborðsmyndasíður.

Ætla ég mér að senda e-mail á viðkomandi sem sendir út þessa tillögu á “mjög” svo þröngan hóp íbúa í kringum viðkomandi götu og fynnst mér vægast sagt lélegt að íbúar í nágrannahverfum hafa greinilega ekkert um málið að segja ?

Ef þið viljið mótmæla þessari tillögu endilega sendið málefnalegt e-mail á helgas@hafnarfjordur.is fyrir 26 júní nk.

Það kostar allt benzín þessa dagana ! eins gott að berjast fyrir þeim krónum heheh… allavegana er ekki séns að maður labbii baun