Við höfðum það mjög gott yfir jólin og slöppuðum vel af. Andrea var mjög svo róleg yfir jólunum, var reyndar alveg tilbúin kl 7:30 um morguninn að fara í fínu fötin og fara til ömmu og afa, við foreldrarnir vorum ekki alveg til í það. En biðin gekk vel og Andrea sat allan dagin og perlaði á meðan hún hlustaði á barnaefnið.

Það var ofboðslega gaman að sjá það í fréttunum að frændi minn og fjölskylda hans fengu óvæntan jólaglaðning. Við viljum óska þeim til hamingju með það og óskum þeim eins og öllum öðrum gleðilegs nýs árs

Hérna er stutt frásögn af því helsta sem hefur gerst síðustu tvö mánuði.

Andrea losnaði við gifsið í lok október. Hún stóð sig eins og hetja í öllu þessu ferli. Hún byrjaði í Iðjuþjálfun hjá henni Elsu og gengur það mjög vel.  Það eru strax komin framför með hendina komnar hreyfingar sem ekki voru áður. Við erum þvílíkt ánægð með það.

Í nóvember byrjaði ég að vinna hjá Askar Capital, en það er nýr fjárfestingarbanki. Ég losnaði samt ekki frá borginni fyrr en á föstudaginn var. Var að gera 9 mánaða uppgjörið fyrir Eignasjóðinn.  Það var því mikið að gera vinnulega séð í nóvember, en það var ekki það eina.

Veikindi herjuðu á fjölskylduna í nóvember, mamma kom í bæinn rétt fyrir afmælið sitt og veiktist svo illa að hún lendi inn á spítala í 4 daga. Daginn áður en mamma losnaði út veiktist Andrea fékk þessa leiðinlegu ælupest og svo ég nokkrum dögum seinna.

Vinahópurinn fór á  “jólahlaðborð” á Einar Ben í lok nóvember og gekk það bærilega. Við höfðum pantað rauða herbergið rúmum mánuði fyrr en fengum það ekki. Gísli kríaði út góðan afslátt  vegna þess. En við sátum í bláa herberginu og þetta var furðulegasta jólahlaðborð sem ég hef farið á. Þjónustan var góð og maturinn fínn en þetta var eiginlega svona pinna jólahlaðborð. Það var komið með tvö bakka á borðið til okkar og á bakkanum var s.s. maturinn í litlum skálum og meðlætið var einnig borið fram í litlum skálum. Þær voru það litlar að þegar fjórir (af tólf) voru búnir að fá sér t.d.  brúnar kartöflur þá voru kartöflurnar búnar og þurfti að kalla á þjóninn til að fá áfyllingu. Þið getið ímyndað ykkur vinnuna fyrir þjónana.  En allir fóru saddir út og sáttir en hissa á útsetningu hlaðborðsins.

Núna er jólaundirbúningurinn komin á fullt, enda bara 19 dagar til jóla

Fimmtudeginum eyddum við á strikinu. Það var mjög gaman að rölta þar og skoða um. Ekki var samt mikið verslað þá fyrir utan eitt par af GEÐVEIKUM skóm sem ég fann í Aldo. Maren fann sér líka eitt slíkt par í Aldo en einungis íslenskir bankastjórar hefðu haft efni á þeim Það voru víst bara framleidd ansi fá pör af þessum tilteknu skóm og einungis 8 slík pör voru til í allri Danmörku. Við slöppuðum bara af um kvöldið, hlógum soldið mikið. Ég tók nefnilega með mér bréf sem ég fann heima hjá mömmu og pabba. En það voru bréf frá því að við vorum í 9 bekk. Flest voru þau frá Elísubetu til mín. Já maður var víst að skrifast á í tímum. Þau voru ógeðslega fyndin og verða vel geymt þangað til Elísabet giftir sig, þá verða þau dregin upp aftur

Á föstudeginum kíktum við í Fiskitorfuna og versluðum alveg slatta mikið. Maður gekk sig alveg upp að hnjám í þessari ferð. Kvöldið var síðan hápunktur dagsins en þá fórum við að borða á Reef ´n Beef. Maturinn var sjúklega góður. Við pöntuðum tvö forrétti sem við deildum á milli okkar en það var Krókódíll í einhvers konar orlydeigi og reyktur Emu sem var vafinn inn í svona “öðruvísi” tortillaköku. Í aðalrétt fengum við okkur allar Tazmanian devil, en það er medium rare Kengúrulund með sætum kartöflum, ætisþistlum og piparsósu. Kjötið var ótrúlega mjúkt og bráðnaði næstum því í munninum. Síðan í eftirrétt fengum við okkur Death by Chocolate. Þetta var ofboðslega gott allt saman og ekki svo dýrt einhver 5000.- á mann með víni og kokkteil.

Við gerðum síðan heiðarlega tilraun til að djamma í Köben og kíktum á Rosie McGee. Það var frekar gaman þar svona framan af kvöldinu. Við fífluðumst soldið með myndavélina og drukkum nokkrar tegundir af kokkteilum. Síðan ætluðum við að færa okkur um set en fundum engan skemmtilegan stað. Enda vorum við orðnar ansi þreyttar eftir tveggja daga labb þannig að við fórum bara snemma heim. Elísubet fannst það soldið lélegt af okkur.

Á laugardeginum kíktum við í Fields, þar var verslað enn meira. Ég verslaði samt mest í HM. Um kvöldið kíktum við í Tívolíið og það var GAMAN. Ég er svo stolt af mér, ég fór í RÚSSÍBANA!!!!! Það var geðveikt ætla sko pottþétt aftur langar að fara aftur til Köben bara til að geta borðað á Reef ´n Beef, kíkt í HM og farið í rússíbana Það yrði sko góð ferð. Ég og Maren fórum svo í Star flyer en það er svona RISA róla, það var geðveikt maður sá bara næstum því yfir alla Köben.

Sunnudeginum eyddum við á Strikinu og Nýhöfn. Fórum í siglingu og það var djassband um borð að spila. Þetta var alveg 1,5 klst sigling. Farið var um höfnina og inn skurði. Maður sá ýmislegt, aftan á hafmeyjuna og svo sáum við sænskt sjóræningaskip. Við fórum síðan bara snemma upp á flugvöll, ansi fegin að við gerðum það því röðin í tax free dæmið var mjög stutt þegar við komum en gífurlega löng þegar við vorum búnar í henni.

Mig langar ofboðslega að fara í sumar til Danmerkur og vera í svona sumarhúsi. Það yrði örugglega gaman.

Þóra Sigga er líka búin að henda inn þó nokkuð mikið af myndum endilega kíkjið á þær !

Eftir öll erindi þá var hægt að bera upp spurningar og spurði einn fyrirlesarinn hvort við konur værum sáttar við þessa þróun.  Óþarfi að segja þá var það engin. Hann sagði að ástæðan gæti verið sú að þegar konur eiga að fara að semja um kjör fyrir sig sjálfa þá eru ekki nógu djarfar, þær biðja frekar um það sem þær vita að þær geta fengið heldur en það sem þær vilja.

Þannig við þurfum að taka okkur á, taka karlmennina til fyrirmyndar varðandi þetta.

Dagurinn var bara mjög góður fyrir utan smá vinnupirring. En yfirmennirnir virðast vera ósköp óskipulagðir og bitnar það á starfsfólkinu. Aisté var búin að blása upp blöðrur og hengja upp inn á skrifstofu þegar ég mætti í vinnu. Síðan rétt fyrir hádegi kom mamma óvænt í heimsókn og færði mér blóm og kerti Síðan í hádegismat fórum við Sigrún og Aisté á kaffi Óliver til að fá okkur súkkulaðiköku hún var voða góð en ekki eins góð og hún var áður. Ég hætti að vinna rétt eftir 3 og var komin heim hálf fimm. Var að erinderast, setti í gírinn og tók til alveg á milljón, sjænaði mig svo til og Gísli einnig. Við fórum svo að borða á Hafinu bláa. Það var svona lala matur, mælum alla vega ekki með staðnum. Farið frekar á sjávarkjallarann, sá staður er bara frábær. Eftir matinn fórum við heim og biðum eftir gestunum. Það var mjög gaman og ég vona að allir hafi skemmt sér jafnvel og ég

Ég fékk fullt af fallegum og góðum afmælisgjöfum. Gísli gaf mér 66 gráður norður dúnvesti og gsm síma, sony ericson k610i. Hann er rauður og flottur Á sko eftir að nota hann mikið. Loksins get ég verið með flotta hringitóna og gert eitthvað annað en að hringja og senda sms Andrea gaf mér kerti, þegar ég þakkaði henni fyrir kertið daginn eftir, þá var mín frekar mikið sár og fúl út í mömmu sína. Hún fór að hágráta og sagði pabba sínum að mamma hennar hefði verið að halda afmæli og ekki boðið henni. Hún gaf mér sko engan pakka. Ég þarf að bæta henni það upp og bjóða henni upp á köku og bíó fljótlega. Anna og Gulli gáfu mér sjálfshjálparbókina Happy Housewives in 10 east steps! Meðal skrefa er t.d. “stop whining” og “get back in the kitchen” það verður skemmtilegt að lesa þessa. Aldrei að vita nema maður hætti bara að vinna og gerist húsmóðir Halldór, Ósk og Ásgeir gáfu mér svona körfu frá body shop með alls konar baðdóti í, alveg ekta ég Aisté og Þorri gáfu mér rauðvínsflösku og stand undir hana. Hann er ótrúlega töff, er svona eins og máni í laginu. Jón og Beta gáfu mér rauðvínsflösku. Elísabet gaf mér 2 martini glös. Þau eru rosaflott og núna getum við skálað saman í Cosmo. Tengdaforeldar mínir og Anton gáfu mér hlekk á pandoru armbandið mitt, mánaðarsteinninn minn. Sigrún og Magnús gáfu mér það að þau borguðu bílastæðasektina sem ég fékk þegar við fórum að fá okkur köku á Kaffi Óliver, Sigrún ætlar að ramma sektina inn Klara og Miles gáfu mér dvd Breakfest at Tiffany´s, það verður gaman að horfa á hana þar sem ég hef aldrei séð hana.

Ég vil þakka öllum aftur fyrir frábærar gjafir og að hafa eytt þessum skemmtilega degi með mér, hann var frábær í alla staði

Í dag er planið að byrja daginn á að kíkja í Down Town Disney.

21:45 – Hérna koma myndir dagsins.

Síðustu tvær vikurnar í apríl var ég sama sem ekkert heima, vinna myrkranna á milli. Það þurfti að klára ársuppgjörið fyrir borgina. Gísli algjör perla að sjá um heimilið á meðan. Við Andrea tókum okkur svo frí á mánudaginn var og fórum í verslunarleiðangur. Andrea fékk að versla sér tvennar bækur og fór síðan í klippingu. Hún er rosa fín komin með topp og alles.  Hún er reyndar komin með leiðinda hóstann sinn aftur og er byrjuð á pústinu. En ætti að vera orðin góð eftir 3 vikur. Á mánudeginum var líka áritunin á ársreikningnum, þannig ég fór upp í ráðhús kl 5 til að vera viðstödd það. Ótrúlegur léttir að það sé búið að árita hann. Nú á bara eftir að ræða hann í borgarstjórn og birta.

Um næstu helgi er alveg hellingur að gerast. Við erum að fara með Andreu í sveitarferð með leikskólanum á laugardaginn, á sunnudaginn er Gísli að fara til Seattle á námskeið og ég er að fara í brúðkaup.  Alltaf nóg að gera.

jæja best að gefa sér tíma í að segja frá ferðinni. Það var nú bara ágætlega gaman Við lendum í Girona sem er einhverja 45 km fyrir utan Barcelona og fórum þar upp í rútur sem keyrðu okkur á hótelið, en við gistum á Hótel Hilton. Rútuferðin var eins og flestar rútuferðir, maður spjallaði og skoðaði það sem birtist manni á leiðinni. Ótrúlegt hvernig þeir byggja þarna. Mjög mikið upp í hlíðum og sumt leit út fyrir að vera mjög illa byggt og ekkert skipulag virtist vera á staðsetningu húsanna. Við vorum komin á hótelið seinni partinn og kíktum aðeins á verslunarmiðstöðina sem var beint fyrir utan hótelið. Við vorum nú samt ekki í neinu verslunarstuði og röltum bara þarna um. Hefðum líklega átt að nýta tímann, en þetta var fínt hefðum þá bara eytt meiri pening. Um kvöldið fórum við að borða á Argentísku veitingahúsi sem að Hótelið mælti með staðurinn heitir Patagonia. Steikin var ótrúlega góð!!! Við fengum okkur flest lomo sem er nautafillet. Ég hef aldrei fengið eins góða nautasteik, það var bara borið fram með steikninni bökuð kartafla og svo var smá gróft salt sett ofan á kjötið. Það var hrein unun að borða þarna. Ef þið farið til Barcelona þá verðið þið að prófa þennan stað. Hérna er google kort af staðnum. Eftir máltíðina þá röltuðum við niður rúmbluna og drukkum í okkur mannlífið ásamt veigum. Við vorum nú samt ekki lengi og vorum komin upp á hótel um tvöleytið.

Við notuðum laugardaginn til að skoða borgina, en um 10 var skipulögð 2ja tíma rútuferð um borgina. Það var mjög gaman í henni maður fékk svona að sjá sýnishorn af því sem er hægt að skoða þarna. Það gerði greinilega mikið fyrir borgina að halda ólympíuleikana 92, hún var greinilega tekin í gegn og þau mannvirki sem voru byggð fyrir leikana hafa nýst borginni vel síðan. En fyrsta stoppið okkar í ferðinni var La Sagrada Familía, kirkja sem Gaudi byrjaði á 1882 og er henni enn ólokið. Við stoppuðum þar bara rétt aðeins til að taka myndir og svo var ferðinni haldið áfram. Við fengum að sjá tvö önnur hús sem Gaudi byggði, Casa Mila og Casa Batló og þau voru mjög flott. Við stoppuðum líka upp á fjalli þar sem borgarbúar fara um helgar til að njóta náttúrunnar. Ferðinni lauk svo á rúmblunni. Við fórum þá með Óla og Lilju beint í La Sagrada Familía og biðum þar í eina klst og 40 mín. eftir því að komast upp í turnana. En það var farið upp í lyftu og svo var gengið niður. Þetta var alveg magnað. Kirkjan er hreint út sagt ótrúlegt listaverk!! Við tókum flestar myndirnar í allri ferðinni þar. Þegar við komum niður var komin rigning þannig við hlupum inn á Pizza Hut og fengum okkur pítsu. Eftir það þá var hætt að rigna og við Gísli fórum á rúmbluna til að versla. Mig vantaði skó fyrir galadinnerinn, við fundum fína skóbúð og skóuðum fjölskylduna upp. Kíktum í nokkrar búðir og ég fann mér gallabuxur og bol en ekkert mikið annað. Gísli var að leita sér að buxum og jakka en fann ekki neitt. Við fórum síðan í verslunarmiðstöðina fyrir utan hótelið og versluðum þar á mettíma kjól og peysu á Andreu. Drifum okkur svo upp á hótelherbergi að sjæna okkur til fyrir matinn, vorum orðin ansi sein. Galadinnerinn var ok, maturinn var lala, forrétturinn og eftirrétturinn var það eina sem var gott. Það voru alveg ágæt skemmtiatriði það komu 2 senjorítur að dansa, en það var ekkert pláss þarna fyrir aðra að dansa og við fórum fljótlega upp á herbergi til Óla og Lilju ásamt Kalla, Öldu og Bo hollywood. Þar sátum við og spjölluðum og skáluðum í veigum aðeins frameftir. Síðan var farið að checka sig út af hótelinu til að losna við 560 manna biðröð um morguninn og svo var skriðið í háttinn. Sunnudagurinn fór allur í ferðalagið til baka. Við bættum upp verslunarleysið í fríhöfninni og versluðum smá dót fyrir Andreu og minjagripi.

Það hefði verið gaman að geta verið lengur og þá hefði maður farið í Gaudi garðinn og skoðað söfnin. Það er ótrúlega mikið þarna til að skoða, maður verður greinilega að fara aftur